Kucing Kurus Mandi di Papan

(sahilin & siti rohmah)

kucing kurus mandi di papan
mandi di papan lah kayu jati
badan kurus bukan dek makan
kurus karene lah susah ati(♀)

entek entek udang di api
anting anting di dalam payak
lagi kecik lah ndak belaki
nanak secanting lagi lom pacak(♂)

biar belom mandi di unak
asalkan mandi sambil berenang
biar belom pacak betanak
asalkan jadi lah same dengan(♀)

umak umak belikan sagu
aku kepengen makan pek empek
umak umak cakahkan aku
aku nih malak lah tidok dewek(♂)

kalu malak makan pek empek
ambeklah sagu buat tekwan
kalu malak lah tidok dewek
ingatlah dalu peloklah bantal(♀)

alangkeh panjang pengerak ayam
pegi ke lebak ngambek kelepok
tinggallah siti yang kurus panjang
aku mencari yang gemok libok(♂)

betuah nian bunge kelepok
ingat ke tebing lah ratas panjang
betuah nian yang gemok libok
dapat sahilin yang kurus panjang(♀)

jangan ke laut sambil nyemberang
nyemberang payu sambilan mandi
jangan ase sahilin kurus panjang
panjang ini gancang nyudahi(♂)

ulak ke tebing ke sungai due
ke talang maseh lah ke seberang
ulak sahilin anaknye tige
ditengah jalan ndak ngaku bujang(♀)

ndak kemane lah parang panjang
pegi menebang lah batang jering
banyak lah nian denganlah diam
nonton siti tekurus kering(♂)

alangkeh lurus lah kau papan
ndak dibuat lantai jerami
sahilin kurus bukan dek makan
ibarat budak kurang vitamin(♀)

entek entek udang di api
angkul angkul di dalam payak
lah gi kecik ndak belaki
nanak sebakul lagi lom pacak(♂)

sayang ke ume ke paye lacak
padiku abes dimakan burung
aku lah tau dengan dek galak
duetku abes rasan ndak urung(♀)

pucuk pisang dibawah jantung
jantung idak bebuah lagi
biar di tetak biar di pancung
ngapelah dengan ndak ngubah janji(♂)

makmane nian kite ndak mandi
pegi lah mudik ke sungai due
makmane nian kite ndak jadi
aman badan lah sudeh tue(♀)

buah salak didalam jale
alangkeh banyak pisang bejantung
aman dek galak aku dek pule
idaklah buruk barang tegantung(♂)

maseh lah lemak bebuah jagung
padang lah lipas di padang temu
maseh lah lemak buruk tegantung
buruk tekapar dimakan semut(♀)

pegi kelaut mandinye nyelam
pegi nyemberang nak masang bubuh
janganlah dengan salah anggapan
buruk tegantung namenye lampu(♂)

aman jadi ke sungai due
pegi ke ulu lah ke seberang
kalu lah jadi lah same tue
paling banyak ngadu belakang(♀)

alangkeh banyak ikan seluang
ikan seluang banyak paesan
kalu lah ngadu tulang belakang
same beumeh kite dek ngetam(♂)

sangkan laju pegi nyemberang
pegi ke ulu betanam kacang
sangkan laju kite dek ngetam
ari kemarau lah tige bulan(♀)

kucing kurus mandi di papan
mandi di papan lah kayu jati
kalu kemarau lah tige bulan
aman dek benar ngajak nyusahi(♂)

sangkan laju betanam padi
laman bebar panjang sekali
sangkan telaju nyusahi ati
karene beras mahal sekali(♀)

oi makmane care ndak mandi
udang banyak di pinggir tebing
wahai makamne care ndak jadi
utang lah banyak ume lah kering(♂)

------------------
bagi yang ingin mendengarkan silahkan berkunjung ke MP ilmanzuhriyadi(lihat contact)
berdurasi 14:25

Ilok Pule

buah kepayang dimakan lemak
ilok pule ditanak minyak
alangke alap lah bujang tunak
ilok dibuat lah mantu umak

buah salak banyak dibeli
buah setaun lah due kali
amanlah galak kebile lagi
tunggu setaun lah lame ige

jalan jalan ke pagar jati
dusun dililit bukit barisan
duduk menung berdiri menung
lambat betemu lah betangisan

banyaklah kandis di desa lintang
buah pelam dimakan ulat
banyak gadis desa lematang
bujangnye alap di kota lahat

buah kueni padanglah bindu
anju belanju ke pagar jati
kamilah ini sedang merindu
rindulah berat didalam hati
-----------------------

lagu ini bisa di download (versi mp3) di http://ilmanzuhriyadi.multiply.com

Ibung Ibung

Ibung ibung cakahkan kubis,
Dak katek kubis nangke jadilah,
Ibung ibung cakahkan gadis,
Dak katek gades jande jadilah. 2x

Ibung ibung cakahkan nangke,
Dak katek nangke rebung jadilah,
Ibung ibung cakahkan jande,
Daka katek jande ibung jadilah. 2x

Pantun Lame

Embek-embek kambing betutu,
Makani rumput dibawah umah,
Jangan diambek gadis itu,
Karoanku parak umah.

Ketek-ketek udang di api,
Angkut-angkut dalam perau,
Kecik-kecik landak belaki,
Ngayam bakul lagi belum tau.

Jangan galak belamban bulo,
Belamban bulo gulak galek,
Jangan galak bebini jaoh,
Bebini jauh sukar balek.

Ilok nian belamban kerap,
Belamban kerap idakke titek
Ilok nian bebini parak,
Bebini parak gampang balek,

Pegisok ari aye,
Perlak pisang geda,
Ibung idak percaye,
Ngiremi besan bedah.

Perlak pisang geda,
Disimpan dalam pasu seng,
Ibung ngiremi besan bedah,
Sebab anaknye idak ngirem sen.

Kaos Lampu

Sumber : ilmanzuhriyadi.multiply.com

Bujang :
Becincin Kau Jeriji,
Lang Menari Lawan Kukunye
Payu Bepikir Ni Kau Diri,
Linjang Kujadi Lawan Jodohnye. 2x

Gadis :
Timpe Kemang Sakit Hasenye,
Tambah Bincul Ditimpe Limus
Ngape Dengan Oy Bujang Tue,
Ngintikan Gadis Badan Tekuhus. 2x

Bujang :
Bukanye Senang Duduk Ditangge,
Ciri Ku Duduk Jauh Pikiran
Jangan Takut Membujang Tue,
Tue Diluar Mude Didalam. 2x

Gadis :
Ketintang Membawe Taji,
Kemane Ncakah Saungye
Slop Jepang Dikde Tebeli,
Jangan bemance bebini Due. 2x

Bujang :
Aku Nyangke Derian Tinggi,
Rupenye Derian Masak Layu
Aku Nyangke Nak Ngajak Jadi,
Aku Yang Tinggal Dibuat Malu. 2x

Gadis :
Ade Antan Masih Nak Lesung,
Nutuk Hebuk Nak Ade Padi
Marak'i Gadis Ngudutlah Puntung,
Pantaslah Saje Gadis Belari. 2x

Bujang :
Terebang Burung Serindit,
Hinggap Diranting Nangke
Biarlah Tue Asal Beduit,
Segale Gadis Galak Gale. 2x

Gadis :
Sangkah Pintau Luluk Keluang,
Tegantung Luk Buah Labu
Oy Mak Mane Gadis Nak Ribang,
Hidangan Midang Bekate Buntu. 2x

Bujang :
Alangkah Panjang Ikuk Sapi,
Sapi Adelah Diseberang
Aku Heran Gadis Mak Ini,
Rate-rate Mate Duitan. 2x

Gadis :
Celane Tukak Jahit Ngan Jahum,
Teculak Buah Cungdire
Bujang Tue Gadis Gi Maklum,
Asak Kelepih Banyak Duitnya. 2x

Bujang :
Kalu Mak Ini Kain Potongan,
Dari Membeli Di Toko Cine
Kalu Mak Ini Pecak Potongan,
Pacaklah Jadi Bujang Tue. 2x

Gadis :
Ikuk Sawe Kepale Sawe,
Melilit Sibemban Burung
Sangkan Dikate Lah Bujang Tue,
Lajulah Buruk Barang Tegantung. 2x

Bujang :
Masih Lemak Sibemban Burung,
Bemban Banyak Dipinggir Laut
Masih Lemak Burung Tegantung,
Buruk Tekapar Dimakan Semut. 2x

Gadis & Bujang :
Jangan Nian Nyeberang,
Kalu Katik Perahu,
Jangan Mendengar Salah Tanggapan
Buruk Tegantung Kaos Lampu. 2x